ბავშვის პირის ღრუზე ზრუნვა ჯანსაღი საკვების შერჩევით იწყება. კბილებისთვის სასარგებლო პროდუქტების მიღებით უამრავი პრობლემის თავიდან აცილებაა შესაძლებელი.

და მაინც, რა იგულისხმება ჯანსაღ საკვებში?

ხრაშუნა ხილი და ბოსტნეული:
ვაშლი, სტაფილო, ბროკოლი და სხვა ასეთი პროდუქტები პირის ღრუში ნერწყვის გამოყოფას უზრუნველყოფს. გამოყოფილი ნერწყვი დააბალანსებს მჟავიანობას, ეს კი კბილების სისუფთავეს შეუწყობს ხელს. 

კალციუმით გაჯერებული საჭმელი:
ნაკლებ ცხიმიანი რძე, ყველი და იოგურტი აძლიერებენ კბილის მინანქარს და იცავენ მას დაზიანებისგან.

მჭლე ცილები:
თევზი, ქათამი და კვერცხი ფოსფორის შემცველი პროდუქტებია. ფოსფორიც, კალციუმის მსგავსად, აძლიერებს კბილის მინანქარს.

და ბოლოს, ბავშვმა უნდა მიიღოს წყალი, სასურველია, ყოველი კვების შემდეგ, იმისთვის, რომ კბილებზე არსებული საკვების ნარჩენები ჩამოირეცხოს - ასე თავიდან აიცილებ არასაჭირო ნივთიერებების ზემოქმედებას კბილებზე.


და თუ კიდევ რაიმე კითხვა გექნება, ან ჩვენთან ვიზიტს მოისურვებ,
უბრალოდ დაგვირეკე: (032)2 322 227